ein

21.6.2009 | 22:47

Dásamlega líf

Ég hef ekki gefið mér tíma til að blogga í háa herrans tíð.

Sem betur fer er ástæðan góð Smile Lífið hefur leikið við mig undanfarið og þessa dagana nýt ég þess að sumarið er að taka völdin í lífi mínu... að öllu leiti Cool

Síðustu dagar hafa einkennst af tiltekt og hreinsunum ýmiss konar. Ég hef verið að taka lóðina í gegn, húsið, bílinn... og svo fer að koma röðin að geymslunni og svo skápum og einstaka skúffum þar sem vill safnast eitt og annað. En ég ætla bara að nota rigningadagana og kuldaköstin í tiltektina innanhúss Wink Maður verður að nýta sumarið eins og hægt er til útiveru Joyful

Ástin mín, Riddarinn, á sinn þátt í hamingju minni þessa dagana InLove Við verðum sífellt nánari og þrátt fyrir að aðstæður setji okkur nokkuð þröngar skorður í tilhugalífinu þá koma þær samt ekki í veg fyrir að við hittumst Tounge Ég dáist alltaf meira og meira að þessum yndislega manni sem ég var svo heppin að hitta og skil ennþá ekkert í því að hann skuli hafa gengið laus svona lengi Shocking Við konur erum reyndar ótrúlega duglegar við að elta rugludallana og óþokkana en sjáum ekki gullmolana í kringum okkur Whistling

Njótið sumarsins elskurnar mínar. Ég ætla engu að lofa um skriftir á næstunni en ætla mér samt að reyna eftir fremsta megni að setja einhverja punkta hingað inn annað slagið. Grin