Friður í sálinni

Ég fann frið. Er búin að vera hægt og rólega á uppleið síðan á laugardagskvöld og í dag fann ég fullkominn frið aftur. Góð tilfinning.

Það er samt ekki eins og ég hafi tekið einhverja agalega dýfu eða sokkið niður í dýpsta þunglyndi. Það var bara óþægileg tilfinning að átta sig á að "bata" er ekki náð.

Riddarinn sagði við mig að ég mætti eiga von á svona bakslagi lengi ennþá.. það væri a.m.k. hans reynsla. Við áttum stutt en ofsalega notalegt og innilegt spjall á sunnudaginn. Ég fann á þessum tímapunkti að það var gott fyrir mig að taka skref til baka og bara hreinlega "geyma" þessar tilfinningar sem hafa verið að brjótast um í mér. Svo hef ég farið yfir það í rólegheitum .. svona inn á milli atriða í daglega lífinu. Í dag fór ég síðan í nudd og kom út svo yndislega og notalega afslöppuð.

Núna sakna ég hans. Það er líka bara góð tilfinning.

Athugasemdir

[Sporðdrekinn, 24.2.2009 kl. 22:10]

Risa knús til þín duglega

Takk fyrir fallegu orðin þín

[Sporðdrekinn, 24.2.2009 kl. 22:14]

Ég var að fatta að kannski ætti ég að láta þig vita af hverju mér finnst þú svona dugleg. En það er sem sagt af því að þú virðist vera svo dugleg að hlusta á og fatta sjálfa þig. Mér finnst það yndislegt og þú munt án efa ná batanum fyrr með þessum hætti en ella. Svo knús á þig duglega 

[Ein-stök, 25.2.2009 kl. 07:58]

Takk fyrir það elsku Sporðdrekinn minn