Orkulaus

Ég var næstum búin að svíkja nýútgefið loforð um að skrifa daglega. það er svo voðalega leiðinlegt að hafa ekkert jákvætt eða uppbyggilegt að segja.

Í dag var ég bara ORKULAUS.. algjörlega. Druslaðist í gegnum rúmlega hálfan vinnudag, var ýmist skítkalt eða funheitt, fór heim á viljanum einum saman og hrundi þar.. búin að sofa frá mér rúma 3 klt þegar þetta er skrifað og á í miklu stríði við sjálfa mig um það hvort ég höndli að fara í jógatímann minn. Hljómar kannski fáránlega því jóga ætti að hjálpa við orkuleysi en ég var svo orkulaus á þriðjudaginn þegar ég fór síðast í jóga að mér leið hreinlega illa. Núna þarf ég að redda mjólk og nesti úr búðinni, er bíllaus og langar bara alls ekki til að standa upp úr sófanum

Athugasemdir

[Sporðdrekinn, 6.11.2009 kl. 21:13]

Ó krútta líkaminn okkar tharf stundum lengri tíma til ad jafna sig en vid höfum tholinmœdi fyrir. Ég vona ad thú náir thér fljót!

Orku knús yfir hafid

[Ein-stök, 8.11.2009 kl. 09:12]

Takk fyrir það sæta  Knús til baka yfir hafið