ein

28.12.2008 | 03:19

Jólin

Þessi jól hafa verið hálf-undarleg fram að þessu. Einhvern veginn gengur mér illa að finna jólagleðina þó ég geti ekki sagt að þetta hafi verið alveg ónýtir dagar. Aðfangadagskvöld var nokkuð ljúft og börnin nutu þess eins og best verður á kosið. Dagarnir síðan þá hafa gengið nokkuð rólega fyrir sig.. kannski fullrólega hvað mig varðar. Ég hef ekki farið í nema eitt jólaboð og ef eitthvað er þá hef ég upplifað mig frekar eina og yfirgefna þessa dagana. Ég veit að partur af þessu er algjörlega undir mér sjálfri komið því ég gæti jú alveg gert eitthvað í því að bjóða einhverjum til mín og hef m.a.s. fengið heimboð sem ég hef ekki þegið. Tómleikatilfinningin og eirðarleysið er að öllum líkindum til komið vegna breyttra aðstæðna frá síðustu jólum. Það hefur svo margt breyst á þessu ári, ekki bara skilnaður og flutningur.

Ég fann um daginn dagbókarfærslur í tölvunni minni frá því um síðustu jól og áramót. Það var ansi fróðlegur lestur. Reyndar enginn skemmtilestur.. en fróðlegur. Meira um það síðar en ég get a.m.k. glaðst yfir því að þó ég finni fyrir einmanaleika, sorg og þess háttar tilfinningum núna.. þá var vanlíðanin mun verri fyrir ári síðan. Þetta hlýtur að vera á réttri leið?

Flokkur: Bloggar | Facebook

Athugasemdir

RISAKNÚS til þín Þú ert alveg greinilega á uppleið og það er gott

Líney, 28.12.2008 kl. 13:38

Gleðilega jólarest og farsæt komandi ár. KNús og kossar til þín og þakkir fyrir bloggvináttuna á árinu sem er að líða. Megi nýja árið verða þér gæfuríkt mín kæra.

JEG, 28.12.2008 kl. 14:47