Samvistarslit hjóna?

Á vef Sýslumanna (www.syslumenn.is) er að finna upplýsingar um hjónaskilnaði. Þar stendur m.a. undir liðnum Skilnaður að borði og sæng: “Telji hjón eða annað hjóna sig ekki geta haldið hjúskap áfram geta þau óskað eftir skilnaði að borði og sæng.”  Síðar á sömu síðu stendur: “Hvor maki um sig á rétt á lögskilnaði einu ári eftir að skilnaður að borði og sæng var veittur. Ef hjón eru sammála um að óska lögskilnaðar geta þau fengið hann að sex mánuðum liðnum eftir að skilnaður að borði og sæng var veittur.” Aftur á móti er til fyrirbæri sem heitir Beinn lögskilnaður en í ákveðnum tilvikum er hægt að krefjast lögskilnaðar án þess að skilnaður að borði og sæng hafi verið veittur. Þessi tilvik eru; tvíkvæni, hjúskaparbrot, líkamsárás, kynferðisbrot eða samvistarslit hjóna. Ég velti því fyrir mér hvað lægi í þessu síðasta. Getið þið frætt mig á því? Hvað eru “samvistarslit hjóna”? Ég meina annað en “skilnaður að borði og sæng”!?

Athugasemdir

[Sporðdrekinn, 2.5.2008 kl. 21:33]

Ja nú veit ég ekki

[Unnur María Hjálmarsdóttir (IP-tala skráð) 2.5.2008 kl. 22:02]

Þegar stórt er spurt er lítið um svör?????

[Predikarinn - Cacoethes scribendi , 3.5.2008 kl. 01:29]

Bara lesa aðeins lengra Þ   "Hafi hjón ekki búið saman vegna ósamlyndis í tvö ár eða meira getur hvort um sig krafist lögskilnaðar, án undanfarandi skilnaðar að borði og sæng."  Sömuleiðis í framhaldi er skilyrði :  "

Til að sýslumaður geti veitt lögskilnað á grundvelli einhverra ofangreindra atvika þarf sá sem krafa beinist að, að fallast á lögskilnaðarkröfu á þeim grundvelli. Einnig þurfa hjónin að vera sammála um að lögskilnaðar skuli leita hjá sýslumanni. Komi í ljós að sá sem krafa beinist að samþykkir hana ekki getur sýslumaður ekki veitt lögskilnaðarleyfi. Samkvæmt hjúskaparlögum er þá hægt að leita til dómstóla með kröfuna."

[Sporðdrekinn, 3.5.2008 kl. 02:37]

Sko predikarann, hann kom með þetta

[Ein-stök, 4.5.2008 kl. 19:51]

Ég er greinilega ekki þjálfuð í að lesa lög og reglugerðir  Datt reyndar í hug að þetta snérist um nákvæmlega þetta. Semsagt hjón sem flytja í sundur án þess að sækja um skilnað að borði og sæng. Kannski rétt að taka það fram að ég er ekki að velta því fyrir mér að sækja um lögskilnað. Okkar skilnaður fær að taka sinn tíma í kerfinu því það hefur ekkert gerst í okkar hjónabandi af þeim tilvikum sem getið er um að ofan. Sem betur fer. En ég þakka Predikaranum fyrir hans innlegg